{"id":332808,"date":"2026-09-02T16:30:28","date_gmt":"2026-09-02T14:30:28","guid":{"rendered":"https:\/\/novanews.co.za\/diepapier\/?p=332808"},"modified":"2026-09-02T16:13:35","modified_gmt":"2026-09-02T14:13:35","slug":"tiger-woods-pleit-skuldig-aan-roekelose-bestuur-na-ongeluk-in-florida","status":"publish","type":"post","link":"https:\/\/novanews.co.za\/diepapier\/tiger-woods-pleit-skuldig-aan-roekelose-bestuur-na-ongeluk-in-florida\/","title":{"rendered":"Tiger Woods pleit skuldig aan roekelose bestuur n\u00e1 ongeluk in Florida"},"content":{"rendered":"\n

Gholflegende Tiger Woods het Woensdag skuldig gepleit op aanklagte van nalatige en roekelose bestuur, vyf maande nadat \u2019n motorongeluk op Jupiter-eiland vrae laat ontstaan het oor die superster se vermo\u00eb om \u2019n voertuig veilig te bestuur.<\/p>\n\n\n\n

Woods (50) het die pleit in die Kringhof van Martin County ingedien en daarmee \u2019n einde gebring aan die strafregtelike verrigtinge wat begin het nadat hy op 27 Maart sy Land Rover in \u2019n sleepwa vasgery het wat deur \u2019n bakkie gesleep is.<\/p>\n\n\n\n

\u201cAs u om enige rede weer sou bestuur, sal u onmiddellik terug tronk toe gaan,\u201d het regter Darren Steele tydens \u2019n vlugtige hofverskyning in Stuart, Florida, aan die gholfster ges\u00ea.<\/p>\n\n\n\n

Woods het aanvanklik \u2019n ernstiger aanklag van bestuur onder die invloed in die gesig gestaar, maar di\u00e9 aanklag is ingevolge \u2019n pleitooreenkoms teruggetrek nadat hy ingestem het om skuld te erken op die minder ernstige aanklagte van nalatige en roekelose bestuur.<\/p>\n\n\n\n

In ruil daarvoor sal sy bestuurslisensie vir vyf jaar opgeskort word.<\/p>\n\n\n\n

Die gholfspeler is aanvanklik in hegtenis geneem nadat die polisie bevind het dat sy normale vermo\u00ebns benadeel was. <\/p>\n\n\n\n

Woods het op 31 Maart deur sy prokureur, Douglas Duncan, onskuldig gepleit, maar hofdokumente wat op 1 September ingedien is, het aangedui dat hy van voorneme was om sy pleit te verander.<\/p>\n\n\n\n

\"Tiger
Tiger Woods nadat hy in hegtenis geneem is. Foto: Facebook.<\/figcaption><\/figure>\n\n\n\n

Die ongeluk en arrestasie<\/h2>\n\n\n\n

Volgens polisieverslae het Woods aan beamptes ges\u00ea hy het na sy selfoon gekyk en radiostasies verander toe hy teen die sleepwa van \u2019n voertuig bots wat voor hom stadiger gery het.<\/p>\n\n\n\n

Liggaamskamera-opnames wat n\u00e1 die voorval vrygestel is, toon hoe Woods aan polisiebeamptes s\u00ea hy het \u201cpas met die president gepraat\u201d oomblikke voor die ongeluk. Toe beamptes hom geboei het, het hy gevra: \u201cWord ek in hegtenis geneem?\u201d<\/p>\n\n\n\n

Woods het ook aan die polisie ges\u00ea dat hy vroe\u00ebr die dag \u201c\u2019n paar\u201d voorgeskrewe medikasies geneem het. Hy het verder verklap dat hy reeds sewe rugoperasies en meer as 20 operasies aan sy regterbeen ondergaan het n\u00e1 \u2019n afsonderlike motorongeluk in Kaliforni\u00eb in 2021 waartydens hy ernstige beserings opgedoen het.<\/p>\n\n\n\n

Die beamptes op die toneel het tot die gevolgtrekking gekom dat hy vir bestuur onder die invloed in hegtenis geneem moet word. Nadat hy geweier het om aan \u2019n urinetoets onderwerp te word, het aanklaers \u2019n tweede aanklag bygevoeg.<\/p>\n\n\n\n

\n

\ud83d\udea8 BREAKING: TIGER WOODS ARRESTED AFTER CRASH \ud83d\udea8

DUI charge after FLIPPING HIS SUV on a 30MPH ROAD \ud83d\ude33\ud83d\udca5

Police say he CLIPPED A TRUCK, ROLLED THE CAR \u2026 AND CRAWLED OUT THE WINDOW \ud83d\udc40

This isn\u2019t new \u2014 PILLS, CRASHES, SCANDALS\u2026 TIGER IS OUT OF CONTROL pic.twitter.com\/bSqnF84jd4<\/a><\/p>— Jesse Watters (@JesseBWatters) March 28, 2026<\/a><\/blockquote>