Lang rye het vandees\u00adweek by petrolstasies in Teheran gevorm nadat Amerika nuwe sanksies aangekondig het wat \u00addaarop gemik is om Iran tot oorgawe te dwing.<\/p>\n\n\n\n
Washington het ses maande n\u00e1 die begin van \u2019n oorlog teen Iran, wat in \u2019n dooie punt ontaard het, na ekonomiese drukmaatre\u00ebls gegryp.<\/p>\n\n\n\n
Vredesamesprekings is tans tot stilstand gedwing en die strategiese Straat van Hormoes is steeds vir die meeste skeepsverkeer versper.\n<\/p>\n\n\n\n
Scott Bessent, Amerika se finansiesminister, het Maandag planne uiteengesit vir die \u201cekonomiese verstikking\u201d van Iran. Hy het ges\u00ea die doelwit is om \u201celke ekonomiese reddingslyn wat hierdie regime van tiranne onderhou, af te sny\u201d.<\/p>\n\n\n\n
Hoewel Iranse leiers dit afgemaak het \u2013 aangesien hulle reeds dekades lank sanksies verduur \u2013 vrees sommige inwoners van die hoofstad dat hulle die knyp sal voel: \u201cMense word benadeel, di\u00e9 wat finansieel welaf is en di\u00e9 wat finansieel swak is,\u201d het die eiendomsagent Mehdi Yazdian (55) ges\u00ea, wat terselfdertyd die owerhede aangemoedig het om pryse te beheer.<\/p>\n\n\n\n
\u201cJa, hierdie sanksies het \u2019n uitwerking, maar ons mense is natuurlik veerkragtig.\u201d<\/p>\n\n\n\n
Iran het reeds voor die oorlog met hemelho\u00eb inflasie geworstel, wat \u2019n anti-regeringsprotesbewe\u00adging aangewakker het, wat in \u00adJanuarie sy hoogtepunt bereik het.<\/p>\n\n\n\n
Die owerhede het die beweging met \u2019n harde hand beantwoord, wat volgens buitelandse menseregtegroepe tot die dood van duisende mense gelei het. Die regering skryf die geweld toe aan \u201cterroristiese dade\u201d wat deur Amerika en Israel georkestreer word.<\/p>\n\n\n\n
Die Engels-onderwyser Kia Farahani (45) het ges\u00ea soortgelyke onrus kan voorl\u00ea. \u201cEk is persoonlik glad nie bang vir oorlog nie, want dit is ons land,\u201d het hy ges\u00ea.<\/p>\n\n\n\n
\u201cMaar ek dink hierdie oorlog sal meer ekonomies van aard wees en mense onder groot druk plaas, en nou kan daar dalk weer betogings uitbreek.\u201d<\/p>\n\n\n\n
Iran het \u2019n reeks teregstellings uitgevoer wat verband hou met die winterbetogings, wat die woede van pres. Donald Trump van Amerika ontlok het. Hy het ges\u00ea die land \u201cmaak betogers dood, selfs wanneer hulle nie betoog nie, op vlakke wat nog nooit tevore gesien is nie\u201d. <\/p>\n\n\n\n
\u201cDit is \u2019n humanit\u00eare krisis van epiese afmetings en moet nou gestaak word,\u201d het hy op Truth Social ges\u00ea. Beeldmateriaal van AFP het rye motors gewys wat by petrolstasies uitkring nadat die Iranse president se stafhoof ges\u00ea het dat petrolkwotas hersien sal word. <\/p>\n\n\n\n
\u201cWat seker is, is dat die kwotas verminder sal word sonder om die prys te verander, maar enigiemand wat meer petrol as die kwota wil koop, sal \u2019n ho\u00ebr prys moet be\u00adtaal,\u201d het Mohsen Haji-Mirzaei aan staatstelevisie ges\u00ea.<\/p>\n\n\n\n
Met die aankondiging van die nuwe sanksies het Bessent ges\u00ea lande wat nie die Amerikaanse ekonomiese veldtog steun nie, sal \u201cdeel in die isolasie\u201d van Iran.<\/p>\n\n\n\n
Die tesourie het ges\u00ea uitgebreide sekond\u00eare sanksies sal Iran se digi\u00adtale bates, sowel as sy tegno\u00adlogie-, goud-, lugvaart- en skeepvaartsektore teiken. Die maatre\u00ebls tref lande oor die w\u00eareld heen, insluitend in die Verenigde Arabiese Emirate, Hongkong, China, Singapoer en Europa.\n<\/p>\n\n\n\n
China, \u2019n sleutelverbruiker van Iranse olie, het verlede Dinsdag ges\u00ea dat hy die sanksies teenstaan en belowe om \u201calle nodige maatre\u00ebls te tref om sy eie belange te beskerm\u201d.<\/p>\n","protected":false},"excerpt":{"rendered":"
Lang rye het vandees\u00adweek by petrolstasies in Teheran gevorm nadat Amerika nuwe sanksies aangekondig het wat \u00addaarop gemik is om Iran tot oorgawe te dwing. Washington het ses maande n\u00e1 die begin van \u2019n oorlog teen Iran, wat in \u2019n dooie punt ontaard het, na ekonomiese drukmaatre\u00ebls gegryp. Vredesamesprekings is tans tot stilstand gedwing en […]<\/p>\n","protected":false},"author":140,"featured_media":331883,"comment_status":"open","ping_status":"open","sticky":false,"template":"","format":"standard","meta":{"author_byline":"AFP","footnotes":"","_members_access_role":[],"_members_access_error":""},"categories":[1],"tags":[15594,15718,15603,18121,15577],"class_list":["post-331882","post","type-post","status-publish","format-standard","has-post-thumbnail","hentry","category-nuus","tag-amerika","tag-iran","tag-nuus","tag-scott-bessent","tag-top"],"yoast_head":"\n