Dit was \u2019n dapper poging van die Lions, wat die All Blacks tot die einde toe laat werk het voordat hulle Dinsdagaand op Ellis Park met 41-35 in \u2019n Greatest Rivalry-wedstryd verloor het.<\/p>\n\n\n\n
Die Lions het Nieu-Seeland beslis laat sweet, maar die All Blacks se vermo\u00eb om uit die niet punte aan te teken, het uiteindelik die deurslag gegee. Die besoekers het sewe drie\u00eb teenoor die vyf van die tuisspan gedruk.<\/p>\n\n\n\n
Die Lions het sterk weggespring en die All Blacks met slim skopwerk in hul eie helfte vasgepen. N\u00e1 \u2019n skrum wat gevolg het op \u2019n aanslaan deur Ethan Blackadder, het Nico Steyn met \u2019n briljante lopie by \u2019n losskrum die Nieu-Seelandse verdediging uitoorl\u00ea om die tuisspan \u2019n voorsprong van 7-0 te gee.<\/p>\n\n\n\n
Net \u2019n minuut later het Siba Mahashe \u2019n los aangee van Noah Hotham onderskep en die verdediging weggehardloop om die Lions se voorsprong tot 14-0 te vergroot.<\/p>\n\n\n\n
Die All Blacks het egter in die 11de minuut teruggeslaan toe Hotham afgerond het n\u00e1 vinnige hantering om die telling tot 14-7 te verklein.<\/p>\n\n\n\n
Hoewel die Lions gesukkel het met Nieu-Seeland se oop spel, het hulle stand gehou totdat Emoni Narawa in die 25ste minuut \u2019n langafstandaanval afgerond het. Beauden Barrett kon nie verdoel nie en die telling was 14-12.<\/p>\n\n\n\n
Die Lions het hul voorsprong in die 33ste minuut vergroot toe vleuel Kelly Mpeku in die hoek gaan druk het nadat Steyn die verdediging weer oopgesny het. Kort daarna het Ethan Blackadder egter \u2019n puik spanpoging afgerond om die agterstand tot 21-17 te verminder, wat ook die rustydtelling was.<\/p>\n\n\n\n