{"id":331536,"date":"2026-08-27T21:00:00","date_gmt":"2026-08-27T19:00:00","guid":{"rendered":"https:\/\/novanews.co.za\/diepapier\/?p=331536"},"modified":"2026-08-28T04:55:05","modified_gmt":"2026-08-28T02:55:05","slug":"nog-n-skokbesluit-ruk-boer-soek-n-vrou","status":"publish","type":"post","link":"https:\/\/novanews.co.za\/diepapier\/nog-n-skokbesluit-ruk-boer-soek-n-vrou\/","title":{"rendered":"N\u00f3g \u2019n skokbesluit ruk \u2018Boer soek \u2019n vrou\u2019"},"content":{"rendered":"\n

Onsekerheid neem toe op Willie se plaas nadat een van sy drie kuiergaste besluit om hom eerder te groet. Intussen stuur Arno die eerste kuiergas huis toe, terwyl JD en sy twee pasmaats nog tyd kry om die vrae tussen hulle uit te klaar.<\/p>\n\n\n\n

Die spanning het in episode 7 van Boer soek \u2019n vrou<\/em> op kykNET merkbaar toegeneem toe die eerste moeilike besluite tydens die plaaskuiers geneem moes word. <\/p>\n\n\n\n

Groot onsekerheid het op Willie se plaas geheers, waar een van sy drie kuiergaste besluit het om haar aan die proses te onttrek.<\/p>\n\n\n\n

Aan die begin van die episode het aanbieder Reandi Grey die vraag gestel wat toenemend oor elke plaas hang: “Gaan die boer se pasmaat by sy lewe inpas?” Die boere het nog een geleentheid gekry om hul kuiergaste op ’n uitstappie te neem voordat belangrike keuses gemaak moes word.<\/p>\n\n\n\n

Willie (37), \u2019n bees- en mielieboer van Harrismith in die Vrystaat, het Madel\u00e9, Lezelle en Tayla vir \u2019n perdry-uitstappie geneem. Madel\u00e9 het vir die eerste keer perd gery, terwyl Lezelle en Tayla gemakliker met die aktiwiteit was. Willie het sy vaardigheid met die polostok gewys en boonop erken dat hy potensiaal begin sien.<\/p>\n\n\n\n

\"Madel\u00e9
Tayla was geen vreemdeling op ’n perd se rug nie. Foto: Verskaf<\/figcaption><\/figure>\n\n\n\n

Die ligte oomblikke het egter plek gemaak vir ernstiger gesprekke. Willie het geskerts dat alle mans eintlik seuns van twaalf is en dat \u201chulle gaan altyd wil karretjies speel\u201d. <\/p>\n\n\n\n

Madel\u00e9 het daarop ges\u00ea \u2019n mens behoort jou nie blind te staar teen die kleiner \u201cnitty-gritty\u201d nie – selfs nie wanneer \u2019n man harige tone het nie.<\/p>\n\n\n\n

\"Tayla
Tayla s\u00ea sy’t gevoel Willie hou nie eers van haar nie. Foto: Verskaf<\/figcaption><\/figure>\n\n\n\n

Toe Reandi op die plaas aankom, het Tayla erken dat sy \u2019n keerpunt bereik het. Hoewel sy aanvanklik gehou het van wat sy gesien het, het kleiner kwessies haar begin pla. Sy het ges\u00ea sy het probeer om \u2019n band met Willie te vorm, maar twyfel of hy enigsins van haar hou.<\/p>\n\n\n\n

\"Kort
Kort voor die bom gebars het, het die drietal gevoel Willie beweeg weg van hulle. Foto: Verskaf<\/figcaption><\/figure>\n\n\n\n

Lezelle en Madel\u00e9 het begrip vir Tayla se standpunt gehad. Volgens Madel\u00e9 het Willie dit duidelik gemaak dat hy tyd nodig het, maar die beskikbare tyd raak min. Sy het gemeen dat hy nou sy \u201cgrootmensskoentjies\u201d moet aantrek. Reandi het die vroue verseker dat elkeen nog alleen tyd met Willie sou kry.<\/p>\n\n\n\n

Willie het intussen aan Reandi erken dat hy buite sy gemaksone is en nie daaraan gewoond is om soveel mense gelyk om hom te h\u00ea nie. Reandi het hom daarna meegedeel dat een van die pasmaats besluit het om nie met die proses voort te gaan nie. Die nuus het hom sigbaar verslae gelaat, en hy het alleen in die sitkamer agtergebly.<\/p>\n\n\n\n

\"Willie
Willie was onkant betrap deur Tayla se besluit. Foto: Verskaf<\/figcaption><\/figure>\n\n\n\n

Op Arno (28) se bosbouplaas in Tzaneen het \u2019n ander soort besluit gewag. Hy het sy drie pasmaats na Magoebaskloof geneem vir ’n boomtoptoer. Rosanne was die enigste wat dit al voorheen aangepak het, sowat tien jaar gelede. Arno het ges\u00ea die groep se bereidwilligheid om die avontuur aan te pak, het hul toewyding aan die proses gewys.<\/p>\n\n\n\n

\"Die
Die senuwees het maar gelol met hierdie uitdaging. Foto: Verskaf<\/figcaption><\/figure>\n\n\n\n

Hy het egter erken dat hy nog nie dieper, persoonlike gesprekke met die drie vroue gevoer het nie. Reandi het hom daaraan herinner dat hy moes besluit wie bly en wie huis toe gaan. <\/p>\n\n\n\n

Rosanne het die proses as \u2019n \u201csprong van geloof\u201d beskryf, maar vir Mariska het die reis saam met Arno tot \u2019n einde gekom. Hy het ges\u00ea sy staan aan die begin van \u2019n nuwe hoofstuk en dat hy nie in haar pad wil staan nie.<\/p>\n\n\n\n

\"Mariska
Mariska het die eerste persoon geword wat deur een van die boere huis toe gestuur is. Foto: Verskaf<\/figcaption><\/figure>\n\n\n\n

JD (28), wat met gemengde boerdery naby Reitz in die Vrystaat boer, het sy kuiergaste na The Bakery geneem om suurdeegbrood te bak. Leon\u00e9 het met die deeg gesukkel, waarna JD gehelp het. <\/p>\n\n\n\n

\"JD
JD is ’n boer wat selfs suurdeeg-brood kan bak. Foto: Verskaf<\/figcaption><\/figure>\n\n\n\n

Sy en Lara het ges\u00ea hulle het nog verskeie vrae wat hulle met hom wil bespreek.<\/p>\n\n\n\n

\"Op
Op JD se plaas kan daar nog lekker piekniek gehou word. Foto: Verskaf<\/figcaption><\/figure>\n\n\n\n

Hoewel Reandi die moontlikheid geopper het dat een van hulle huis toe kon gaan, het niemand di\u00e9 keer tasse gepak nie. Die twee vroue kry dus nog tyd saam met JD.<\/p>\n\n\n\n

Inskrywings vir seisoen 19 is oop<\/h2>\n\n\n\n