Die Springbokke is die \u201cMighty\u201d Mike Tyson waarteen die All Blacks hulle gaan vandag vasloop het Jannie du Plessis, oud-Bokvoorryman, verklaar.<\/p>\n\n\n\n
Met \u2019n amper aanvoelbare stilte wat vanoggend oor die land begin toesak het voor die Greatest Rivalry-storm wat later op Ellispark losbars, was ontleders die afgelope dae al hoe versigtiger oor die eerste toets van vier se moontlike uitslag.<\/p>\n\n\n\n
Du Plessis het gisteraand op die kykNET-sportprogram Toks \u2019n Tjops<\/em> ges\u00ea die All Blacks hou daarvan om die bal aan te gee voor kontak. Hulle kon dit die afgelope weke teen die Suid-Afrikaanse provinsiale spanne regkry.<\/p>\n\n\n\n Maar Du Plessis het gevra of hulle dit gaan regkry as hulle teruggeduik en teruggeskrum word. Hy twyfel.<\/p>\n\n\n\n \u201cMike Tyson het ges\u00ea elkeen het \u2019n plan tot hy in die gesig geslaan word. Ek dink die Bokke gaan die All Black se Mike Tyson wees.\u201d<\/p>\n\n\n\n Nieu-Seelandse ontleders en rugbyskrywers, wat aanvanklik meer bedees was oor die Silwervarings se wenkanse het nou skielik vlam gevat. Bok-onderseuners was veral rooi onder die kraag oor die Kiwi-joernalis van Rugbypass<\/em> wat nou paniek in die Bok-kamp sien en reken die All Blacks kan met 15 tot 20 punte wen. <\/p>\n\n\n\n