{"id":330592,"date":"2026-08-26T07:58:00","date_gmt":"2026-08-26T05:58:00","guid":{"rendered":"https:\/\/novanews.co.za\/diepapier\/?p=330592"},"modified":"2026-08-26T07:58:58","modified_gmt":"2026-08-26T05:58:58","slug":"harde-feite-sexy-fiksie-kry-hul-beurt-op-innibos-boekenaweek","status":"publish","type":"post","link":"https:\/\/novanews.co.za\/diepapier\/harde-feite-sexy-fiksie-kry-hul-beurt-op-innibos-boekenaweek\/","title":{"rendered":"Harde feite, sexy fiksie kry hul beurt op Innibos Boekenaweek"},"content":{"rendered":"\n

Daar is waarskynlik min plekke waar \u2019n gesprek oor onwettige mynbou, Oscar Pistorius, tannie Maria en po\u00ebsie heel natuurlik in dieselfde naweek kan tuis voel.
Maar dan is daar Kaapsehoop.<\/p>\n\n\n\n

Die bergdorpie met sy mis, wilde perde en eiesoortige atmosfeer maak vanjaar weer plek vir die Innibos Boekenaweek<\/a>, wat van 28 tot 30 Augustus vir die vierde keer aangebied word. Die tema? \u201cHarde feite en sexy fiksie.\u201d<\/p>\n\n\n\n

Dit klink dalk soos twee w\u00earelde wat nie saam hoort nie. Juis daarom werk dit.<\/p>\n\n\n\n

Volgens Annemarie van der Walt, vryskutskrywer wat by die Boekenaweek betrokke is, is die kleinskaalse aard van die geleentheid een van sy grootste trekpleisters.<\/p>\n\n\n\n

\u201cEerstens omdat Kaapsehoop as pl\u00e9k hom leen tot \u2019n meer intieme byeenkoms waar \u2019n mens werklik skouers skuur met mekaar \u2013 lesers en skry\u00adwers. Daar is dus nie die frenetiese tempo wat \u2019n mens met \u2019n groot kunstefees vereenselwig nie, en die fokus val op woord en wederwoord.\u201d<\/p>\n\n\n\n

Vanjaar se program neem daardie woord en wederwoord in verskeie rigtings.<\/p>\n\n\n\n

\n
\"Alb\u00e9
Alb\u00e9 Grobbelaar.<\/figcaption><\/figure>\n\n\n\n
\"Graham
Graham Coetzer.<\/figcaption><\/figure>\n\n\n\n
\"Chris
Chris Marnewick SC.<\/figcaption><\/figure>\n<\/figure>\n\n\n\n

Die Vrydag is die fokus op niefiksie, met onder meer Graham Coetzer se Zama Zama: Inside the Illicit Mining Underworld<\/em> en Chris Marnewick SC se nuwe boek oor die Oscar Pistorius-verhoor, Oscar Pistorius: The BIG Lie and the Right to a Fair Trial<\/em>. Die joernalis Jana van der Merwe, wat destyds volledig oor die saak verslag gedoen het, lei di\u00e9 gesprek.<\/p>\n\n\n\n

Daar is ook politiek en ge\u00adskiedenis, met Pieter Mulder se Parlementpraatjies<\/em>, Alb\u00e9 Grobbelaar se Historiese almanak: Onthou jy nog?<\/em> en Carel van der Merwe se Kansvatter<\/em> oor Ben Viljoen.<\/p>\n\n\n\n

Maar Saterdag skuif die naweek van harde feite na fik\u00adsie, spanning en po\u00ebsie.<\/p>\n\n\n\n

Sally Andrew, skepper van die geliefde tannie Maria-speur\u00adverhale, kom vertel van haar jongste boek, Wild things never die<\/em>, en hoe di\u00e9 onwaar\u00adskynlike speurder selfs die sprong na die internasionale filmbedryf gemaak het.<\/p>\n\n\n\n

\u201cEn nat\u00fa\u00farlik om Sally Andrew, skrywer van die tannie Maria-mysteries<\/em>, te kan verwelkom in die Laeveld. Wys my \u2019n leser wat nie deur daardie karakter oorrompel is nie!\u201d s\u00ea Van der Walt oor een van haar hoogtepunte.<\/p>\n\n\n\n

Vir Van der Walt is die Boekenaweek meer as net \u2019n lys skrywers en gesprekke.<\/p>\n\n\n\n

\u201cDie Boekenaweek het \u2019n aar raak geboor, en dit kan geag word as \u2019n waardetoevoeging tot die (hoof) Innibos Laeveld Nasionale Kunstefees, wat \u2019n veel groter aanbod van vermaak het.\u201d<\/p>\n\n\n\n

Die plaaslike gemeenskap pluk ook die vrugte daarvan.<\/p>\n\n\n\n

\u201cVanselfsprekend glimlag die eienaars van gasteverblyf op die dorp oor en oor! Maar daarby, dit is \u2019n gebeurtenis wat nie net ligte vermaak is nie, met goeie intellektuele stimu\u00adlasie wat lei tot wat ek noem \u2018die durende gesprek\u2019.\u201d<\/p>\n\n\n\n