Naledi Pandor, ANC-veteraan en voormalige minister van ho\u00ebronderwys, het tydens \u2019n onlangse onderhoud, vir die African Renaissance Podcast, die bou van Akademia se nuwe kampus in Pretoria as \u201cunacceptable\u201d bestempel. Sy is van mening dat Suid-Afrikaners is \u201cfar too complacent with our freedom\u201d en waarsku dat die land nog nie klaar afgereken het met eeue van rassisme en kolonialisme nie. Voorts gee sy te kenne dat die publieke stilswye, met betrekking tot die bou van die nuwe kampus, organisasies soos AfriForum kredietwaardigheid gee.<\/p>\n\n\n\n
Dit is \u2019n ernstige aanklag deur \u2019n openbare figuur. Pandor het onder andere voorheen die minister van ho\u00ebronderwysportefeulje beklee, is tans voorsitter van die Nelson Mandelastigting en dien ook as kanselier van die Nelson Mandela Universiteit. Die Grondwet van die Republiek van Suid-Afrika (Wet 108 van 1996) ondersteun egter nie haar standpunt nie. Die reg om in die taal van jou keuse onderrig te ontvang, ook deur middel van enkelmediuminstellings wat op eie koste tot stand gebring word, is nie \u2019n skuiwergat in Suid-Afrika se demokrasie nie. Die Grondwet dien juis doelbewus as beskerming teen presies die soort ongemak wat Pandor namens \u2019n sogenaamde meerderheid uitspreek.<\/p>\n\n\n\n