Ecuadoriaanse owerhede het Sondag agt ontbinde liggame in massagrafte by \u2019n onwettige myn in die suidelike provinsie Azuay gevind, wat onder \u2019n noodtoestand verkeer, het die polisie ges\u00ea.<\/p>\n\n\n\n
Die Suid-Amerikaanse land sukkel om \u2019n vlaag van geweld hok te slaan ondanks president Daniel Noboa se streng optrede teen georganiseerde misdaad. Bendes, waaronder Los Lobos, veg om beheer oor internasionale koka\u00efenhandelsroetes en mynneerslae. <\/p>\n\n\n\n
Een van die land se grootste kriminele organisasies, Los Lobos (Die Wolwe) bestaan uit meer as 8 000 lede en is veral in hierdie deel van die land by onwettige mynbedrywighede betrokke. Dit is \u2019n splintergroep van die Los Choneros-dwelmkartel.<\/p>\n\n\n\n
Los Lobos was deur Wilmer Geovanny Chavarr\u00eda Barr\u00e9 aangevoer. Landwyd het hy as “Pipo” bekend gestaan. <\/p>\n\n\n\n
In 2021 het Pipo \u2019n hartaanval geveins om die owerhede te ontduik en hy het in Europa \u2019n vals identiteit aangeneem en voortgegaan met georganiseerde misdaad. Hy is later deur die Spaanse polisie in M\u00e1laga in hegtenis geneem.<\/p>\n\n\n\n
Op 28 September 2021 het \u2019n dispuut tussen Los Lobos en Los Choneros in die Litoral-gevangenis in Guayaquil tot \u2019n oproer gelei waarin 123 gevangenes dood en meer as 80 beseer is. Dit was die dodelikste tronk-oproer in Ecuador se geskiedenis.<\/p>\n\n\n\n