Wat soos \u2019n Stormers-oorwinning gelyk het, het vanmiddag in Athlone in \u2019n rugby-riller ontaard toe die Toyota Cheetahs met \u2019n laaste asemteug die DHL Stormers XXIII met 31-26 geklop het.<\/p>\n\n\n\n
En toe die stof gaan l\u00ea, was dit die bekende blondekop Faf de Klerk wat in die middel van die feesvieringe gestaan het.<\/p>\n\n\n\n
Die Springbok-skrumskakel het in die 80ste minuut die beslissende drie gedruk nadat die Cheetahs \u2019n ongelooflike 29 fases van balbesit aanmekaar gesit het. De Klerk het uiteindelik die gaping gevind en in die linkerhoek oorgeduik om \u2019n wedstryd te beklink wat vir groot dele van die middag op \u2019n Stormers-sege afgestuur het.<\/p>\n\n\n\n
Die tuisspan het met groot intensiteit begin en die Cheetahs vroeg onder geweldige druk geplaas. Die Stormers is selfs meer as een keer kort voor die doellyn gestuit voordat Stefan Ungerer uiteindelik die eerste drie van die middag gedruk het.<\/p>\n\n\n\n