Weerkenners is dit eens dat ons nog nie ons winterklere kan wegpak nie, maar moenie te opgewonde raak oor sneeu-voorspellings vir Gauteng en ander gebiede waar dit nie gewoonlik sneeu nie.<\/p>\n\n\n\n
Volgens Annette Botha, \u2019n meteoroloog van Vox Weather, toon voorspellingsmodelle tans dat \u2019n sterk kouefront die land teen Sondag in \u2019n koue greep sal h\u00ea. \u201cDit kan wydverspreide re\u00ebn, sterk wind en baie kouer toestande meebring, gevolg deur \u2019n moontlike afsnylaag.\u201d<\/p>\n\n\n\n
Botha s\u00ea egter hoewel sommige modelriglyne daarop dui dat vriesvlakke laag genoeg kan daal vir sneeu in dele van al nege provinsies, is dit nog geensins \u2019n bevestigde sneeuvoorspelling nie.<\/p>\n\n\n\n
Sy verduidelik dat faktore soos die posisie en intensiteit van die kouefront, die moontlike ontwikkeling van \u2019n afsnylaag, die beskikbaarheid van vog en hoe laag die vriesvlak kan daal, alles in ag geneem word voordat sneeu voorspel kan word. \u201cWinterstelsels, en veral afsnylae, is baie sensitief vir klein veranderings. As die stelsel net \u2019n paar dosyn kilometer verder noord of suid ontwikkel, of effens stadiger of vinniger beweeg, kan dit die verspreiding van re\u00ebn en sneeu heeltemal verander,\u201d s\u00ea Botha.<\/p>\n\n\n\n
Tokelo Chiloane, \u2019n senior weervoorspeller van die Suid-Afrikaanse Weerdiens, stem saam dat baie tussen nou en Sondag kan verander. \u201cDie intensiteit en posisie van \u2019n weerstelsel bepaal of verskynsels soos stormsterk wind, sneeu en swaar re\u00ebn sal voorkom.\u201d<\/p>\n\n\n\n
Volgens Chiloane is sneeu gewoonlik beperk tot die hoogliggende gebiede en is dit dus di\u00e9 gebiede waar sneeu verwag kan word. \u201cOns kyk na die gebied rondom die Drakensberge, die suidelike dele van Mpumalanga en KwaZulu-Natal, sowel as dele van Lesotho, die Oos-Kaap en berge in die Wes-Kaap. Sneeu kan moontlik ook in Calvinia en dele van die Noord-Kaap en Namakwaland voorkom.\u201d<\/p>\n\n\n\n
Dr. Hannes Rautenbach, \u2019n senior weerkundige, s\u00ea sneeu kan met \u201credelike sekerheid\u201d re\u00ebn vir die Wes-Kaap en vir groot dele van die land voorspel word. Volgens hom sal \u2019n kouefront die Wes-Kaap reeds teen Saterdagmiddag tref. Namate dit oor die land beweeg, kan sneeu in dele van die Karoo, van Sutherland tot Graaff-Reinet, asook oor dele van die Oos-Kaap tot by Lesotho verwag word. \u201cDit kan teen Maandag en Dinsdag na die Ho\u00ebveld van Mpumalanga uitbrei.\u201d<\/p>\n\n\n\n
Goeie re\u00ebn met \u2019n moontlikheid van sneeu kan ook oor die suidelike dele van KwaZulu-Natal verwag word.<\/p>\n\n\n\n
Chiloane s\u00ea dis nog te vroeg om te s\u00ea of Suid-Afrika \u2019n warmer winter gehad het. \u201cDie winter is nog lank nie verby nie, en die groot koue kan nog kom. Volgens ons duur die meteorologiese winter van Junie tot einde Augustus. Ons sal daarna eers na die gemiddelde temperature kan kyk en werklik kan s\u00ea.\u201d<\/p>\n\n\n\n
Die dro\u00ebr Kaapse winter het volgens al drie kenners niks te doen met die dro\u00ebr El Ni\u00f1o-toestande wat vir die lente en somer voorspel word nie. \u201cHierdie winter het minder kouefronte die Wes-Kaap behoorlik bereik en dit het gelei tot warmer en dro\u00ebr toestande,\u201d verduidelik Botha. El Ni\u00f1o se uitwerking word gewoonlik in die lente en somer van die somerre\u00ebnval-gebiede gevoel.<\/p>\n\n\n\n
Volgens Chiloane is daar tans tekens van \u2019n \u201cswak El Ni\u00f1o-stelsel\u201d, maar \u2019n volskaalse El Ni\u00f1o kan egter nie uitgesluit word nie. \u201cMense moet maar wel vir warmer dae, meer hittegolwe en minder somerre\u00ebn voorberei.\u201d<\/p>\n\n\n\n
<\/p>\n","protected":false},"excerpt":{"rendered":"
Moenie al die weerberigte glo wat op sosiale media gedeel word nie \u2013 maar moet ook nog nie jou winterklere wegpak nie. Hier kom nog koue, maar dalk nie sneeu in die Goudstad nie. Kenners verduidelik hoekom daar vir die volgende ruk erge koue voorspel word en watter gebiede die swaartse getref gaan word. Lees hier die volledige berig oor watter rol die El Ni\u00f1o-weerverskynsel speel in die dro\u00eb Kaap.<\/p>\n","protected":false},"author":140,"featured_media":327958,"comment_status":"closed","ping_status":"closed","sticky":false,"template":"","format":"standard","meta":{"author_byline":"","footnotes":"","_members_access_role":[],"_members_access_error":""},"categories":[1],"tags":[15603,17725],"class_list":["post-327957","post","type-post","status-publish","format-standard","has-post-thumbnail","hentry","category-nuus","tag-nuus","tag-nuusbrief-6"],"yoast_head":"\n