{"id":326808,"date":"2026-07-29T11:52:40","date_gmt":"2026-07-29T09:52:40","guid":{"rendered":"https:\/\/novanews.co.za\/diepapier\/?p=326808"},"modified":"2026-07-29T11:52:17","modified_gmt":"2026-07-29T09:52:17","slug":"6-werknemers-van-sol-plaatje-munisipaliteit-vas-wat-glo-kabels-steel","status":"publish","type":"post","link":"https:\/\/novanews.co.za\/diepapier\/6-werknemers-van-sol-plaatje-munisipaliteit-vas-wat-glo-kabels-steel\/","title":{"rendered":"6 werknemers van Sol Plaatje-munisipaliteit vas wat glo kabels steel"},"content":{"rendered":"\n

Ses werknemers van die Sol Plaatje-munisipaliteit is verlede week in Florianville, Kimberley, in hegtenis geneem vir die besit van vermoedelik gesteelde koperkabels ter waarde van byna R17 000. Drie van di\u00e9 verdagtes is glo elektrisi\u00ebns.<\/p>\n\n\n\n

Lede van die polisie was besig met roetinepatrollies op Donderdag, 23 Julie, toe hulle omstreeks 20:10 inligting ontvang het dat elektriese kabels by \u2019n sekere perseel van omhulsels gestroop word. By die perseel het hulle vyf mans en een vrou, wie se ouderdomme tussen 27 en 53 jaar wissel, gevind waar hulle besig was om die kabels te stroop, s\u00ea lt.kol. Thabo Litabe, polisiewoordvoerder.<\/p>\n\n\n\n

\u2018Werk van georganiseerde sindikate\u2019<\/h2>\n\n\n\n

In reaksie hierop s\u00ea DA-raadslid George Joseph in \u2019n verklaring dat die party \u2019n beroep op die munisipaliteit doen om dringend \u2019n onafhanklike ondersoek na metaaldiefstal te laat doen. Die ondersoek moet ook moontlike skakels met die onwettige skrootmetaalhandel en enige interne netwerke wat hierdie misdade moontlik maak, oopvlek.<\/p>\n\n\n\n

Joseph s\u00ea hierdie inhegtenisnemings laat talle vrae ontstaan, en noem ook dat die DA lank reeds van mening is dat kabel- en metaaldiefstal in Kimberley nie die werk van enkele misdadigers is nie. Dit word deur georganiseerde sindikate met die toerusting, netwerke en kopers uitgevoer wat hierdie onwettige handel aan die gang hou.<\/p>\n\n\n\n

\"Ses
Ses werknemers van die Sol Plaatje-munisipaliteit is verlede week in hegtenis geneem vir kabeldiefstal. Foto: Verskaf.<\/figcaption><\/figure>\n\n\n\n

\u201cVerlede maand het ons die toenemende impak van metaaldiefstal op gemeenskappe in Moghul Park, Floors, Homestead, Colville en Gemdene uitgelig. Hierdie misdade laat gemeenskappe sonder noodsaaklike dienste, beskadig belangrike infrastruktuur, kos belastingbetalers miljoene rande en laat inwoners onveilig voel,\u201d s\u00ea Joseph.<\/p>\n\n\n\n

Verlede week is die kragverspreidingsboks op die hoek van St Pauls- en Barklyweg aan die brand gesteek en die gemeenskap is vir twee dae sonder elektrisiteit gelaat. In dieselfde week was daar ook \u2019n kragonderbreking in die Floors- en Ashburnham-gebied weens kabelvandalisme, waar die Sol Plaatje-munisipaliteit 120 meter se kabel moes vervang.<\/p>\n\n\n\n

\u201cSulke misdade gebeur feitlik elke naweek,\u201d s\u00ea Joseph.<\/p>\n\n\n\n