Die gemeenskap van Kayamandi word steeds deur dodelike vuurwapengeweld geteister nadat nog \u2019n noodlottige skietvoorval Sondag 26 Julie in die informele nedersetting in Stellenbosch plaasgevind het.<\/p>\n\n\n\n
Polisie in die Wes-Kaap ondersoek \u2019n massaskietery waarin vier mense doodgeskiet en nog vier beseer is, onder wie twee polisielede.<\/p>\n\n\n\n
Provinsiale polisiewoordvoerder, kolonel Andr\u00e9 Traut, het ges\u00ea polisielede van Stellenbosch het omstreeks 17:35 op \u2019n skietvoorval in Sewendelaan, Kayamandi, gereageer.<\/p>\n\n\n\n
“Hulle het \u2019n onbekende man aangetref wat noodlottige skietwonde opgedoen het,” het Traut ges\u00ea.<\/p>\n\n\n\n
“Terwyl hulle die misdaadtoneel hanteer het, het die lede verdere skote in die omgewing gehoor en onmiddellik gereageer. Toe hulle die gebied nader, het hulle gewapende verdagtes te\u00ebgekom wat op hulle losgebrand het. Die lede het teruggeskiet, waarna die verdagtes van die toneel gevlug het.”<\/p>\n\n\n\n
Tydens die skietgeveg is twee polisielede en twee burgerlikes \u2013 \u2019n man en \u2019n vrou \u2013 gewond en na \u2019n nabygele\u00eb mediese fasiliteit geneem vir behandeling.<\/p>\n\n\n\n
Traut het ges\u00ea vier onbekende mans is later met noodlottige skietwonde aangetref.<\/p>\n\n\n\n
“‘n 9 mm-vuurwapen is op een van die misdaadtonele gevind en vir forensiese ontleding gekonfiskeer. Misdaadtoneelkenners het deur die nag gewerk om die tonele te verwerk en bewyse in te samel om die ondersoek te ondersteun.”<\/p>\n\n\n\n
Waarnemende provinsiale polisiekommissaris, generaal-majoor Luyanda Damoyi, het die aanval ten sterkste veroordeel.<\/p>\n\n\n\n
“Hierdie sinnelose geweld het verskeie lewens ge\u00ebis en polisielede sowel as onskuldige lede van die gemeenskap beseer.”<\/p>\n\n\n\n
“Ons sal alle beskikbare hulpbronne aanwend om die verantwoordelikes te identifiseer en in hegtenis te neem. Mense wat polisielede aanval en ons gemeenskappe terroriseer, sal die volle mag van die reg ervaar.”<\/p>\n\n\n\n
Traut het ges\u00ea die motief vir die skietery vorm deel van die ondersoek en dat niemand nog in hegtenis geneem is nie.<\/p>\n\n\n\n
Die afgelope paar maande is verskeie dodelike skietvoorvalle reeds in die Kayamandi-gebied aangemeld.<\/p>\n\n\n\n