Die 74-jarige Belgiese afrigter, Hugo Broos, het reeds bevestig dat hy n\u00e1 die W\u00eareldbeker-sokkertoernooi vanjaar sy pos sal verlaat om meer tyd saam met sy familie in Belgi\u00eb deur te bring. Die soektog na sy opvolger is reeds aan die gang.<\/p>\n\n\n\n
Die uitgesproke Gayton McKenzie, PA-leier en minister van sport, kuns en kultuur, het sy steun aan Pitso Mosimane toeges\u00ea toe hy Bafana Bafana by die O.R. Tambo-lughawe n\u00e1 hul W\u00eareldbeker-veldtog verwelkom het.<\/p>\n\n\n\n
\u201cDie probleem met ons Suid-Afrikaners is dat ons soms baie eenvoudige dinge onnodig ingewikkeld maak,\u201d het McKenzie Donderdagoggend aan SABC Sport ges\u00ea.<\/p>\n\n\n\n
\u201cEk luister na Safa wat s\u00ea hulle stel verskeie afrigters op \u2019n kortlys. Daar is nie verskeie afrigters nie. Daar is net een afrigter wat Bafana Bafana moet lei, en dit is Pitso Mosimane.<\/p>\n\n\n\n
\u201cKom ons hou op om dinge te kompliseer. Die volgende afrigter van Bafana Bafana moet Pitso wees. Ons het iemand nodig wat ons spelers verstaan, iemand wat Hugo Broos geprys het.\u201d<\/p>\n\n\n\n
Met verwysing na mense wat nie Mosimane as die ideale afrigter sien nie, het McKenzie gevra: \u201cWat meer wil julle h\u00ea moet Pitso doen? Ek het as minister van sport my volle steun agter Pitso Mosimane gesit. Hy is die afrigter wat Bafana vorentoe moet neem.<\/p>\n\n\n\n
\u201cOns is lief vir Hugo Broos, en hy het vir ons ges\u00ea dat as dit van hom afhang, hy die leisels aan Pitso sou oorhandig. Maar ek hoor al hierdie ander name wat genoem word.\u201d<\/p>\n\n\n\n