Springbok-agterspelers Cheslin Kolbe en Damian Willemse sal hul 50ste verskyning in die Bok-trui vier wanneer hulle vir die openingstoets van die seisoen teen Engeland in die Nasieskampioenskap op die veld draf. Die twee het ook agt jaar gelede hul internasionale debuut gemaak. <\/p>\n\n\n\n
Erasmus gaan op beproefde kombinasies staat maak vir die kragmeting, met flank Siya Kolisi wat Suid-Afrika vir die 72ste keer in \u2019n toets aanvoer. Di\u00e9 wedstryd is die eerste ontmoeting tussen die spanne op Ellis Park sedert 2018, wat terloops ook Kolisi se eerste toets as kaptein was.<\/p>\n\n\n\n
Die bekende beginspan word deur \u2019n opwindende plaasvervangersbank ondersteun.<\/p>\n\n\n\n
Twee spelers in die pak, Kolisi en Eben Etzebeth, is toets- \u201ccenturions\u201d. Die res van die los trio bestaan uit Jasper Wiese en Pieter-Steph du Toit, terwyl Ruan Nortje in die tweede ry benoem is.<\/p>\n\n\n\n
Die 2025 W\u00eareldrugby- en SA Rugby Mansspeler van die Jaar, Malcolm Marx (haker), sak tussen die ervare stutte Ox Nche en Thomas du Toit.<\/p>\n\n\n\n
Kurt-Lee Arendse (vleuel) voltooi die agterste drie met Kolbe en Willemse, terwyl Jesse Kriel en Damian de Allende die middeveld vorm met Manie Libbok en Grant Williams as die skakelpaar.<\/p>\n\n\n\n
Erasmus het \u2019n verdeling van vyf voorspelers en drie agterspelers op die bank gekies met Jan-Hendrik Wessels, Gerhard Steenekamp en Zach Porthen vir die voorry. Marco van Staden en Cameron Hanekom, wat albei vir die eerste keer sedert November 2024 terug is in die groep, voltooi die groep voorspelers.<\/p>\n\n\n\n
Die drie agterspelers op die bank is Cobus Reinach, Andre Esterhuizen en Canan Moodie.<\/p>\n\n\n\n
Erasmus het bevestig dat Franco Mostert (veelsydige voorspeler) en Lood de Jager (slot) nie vir keuring beskikbaar is nie weens klein beserings en siekte, terwyl Riley Norton vrygestel is as gevolg van \u2019n besering. Ethan Hooker sluit Maandag weer by die span in Johannesburg aan nadat hy herstel het van \u2019n skouerbesering wat hom sedert April uit aksie gehou het.<\/p>\n\n\n\n
\u201cEngeland is \u2019n sterk span, en ons verwag dat hulle alles in hierdie wedstryd sal gee,\u201d het Erasmus ges\u00ea. \u201cDit was belangrik om \u2019n groep te kies met \u2019n kombinasie van ervaring en jong spelers wat gewys het hulle kan op hierdie vlak presteer.<\/p>\n\n\n\n
\u201cDie spelers het hard geoefen en weet wat nodig is om teen hierdie kaliber span te speel. Ons hoop hulle kan dit op die veld oordra.<\/p>\n\n\n\n
\u201cHierdie naweek gaan \u2019n heel ander uitdaging wees in vergelyking met die Barbarians- en Zimbabwe-wedstryde. Engeland is \u2019n gevestigde span wat uit \u2019n Sesnasies-reeks kom, en soos ons wil hulle ook goed begin in hierdie nuwe kompetisie. Ons verwag \u2019n fisieke stryd.\u201d<\/p>\n\n\n\n
Erasmus was ook verheug oor Kolbe en Willemse se mylpaal:<\/p>\n\n\n\n
\u201cHulle is albei jare lank steunpilare vir ons. As span wil ons dit vir hulle \u2019n spesiale dag maak. Dit gebeur nie elke dag dat twee spelers hul 50ste toets haal nie, en dit gee ons beslis ekstra motivering.\u201d<\/p>\n\n\n\n
Die toets begin om 17:40 en word regstreeks op SuperSport uitgesaai. Die eerste wedstryd van die dubbelprogram sien hoe die Springbok Vroue om 13:30 teen die VSA te staan kom.<\/p>\n\n\n\n
Begin XV:<\/strong> Plaasvervangers:<\/strong>
15 Damian Willemse
14 Cheslin Kolbe
13 Jesse Kriel
12 Damian de Allende
11 Kurt-Lee Arendse
10 Manie Libbok
9 Grant Williams
8 Jasper Wiese
7 Pieter-Steph du Toit
6 Siya Kolisi (kaptein)
5 Ruan Nortje
4 Eben Etzebeth
3 Thomas du Toit
2 Malcolm Marx
1 Ox Nche<\/p>\n\n\n\n
16 Jan-Hendrik Wessels
17 Gerhard Steenekamp
18 Zach Porthen
19 Marco van Staden
20 Cameron Hanekom
21 Cobus Reinach
22 Andre Esterhuizen
23 Canan Moodie<\/p>\n\n\n\nKitsfeite<\/h3>\n\n\n\n