{"id":320016,"date":"2026-06-10T14:48:29","date_gmt":"2026-06-10T12:48:29","guid":{"rendered":"https:\/\/novanews.co.za\/diepapier\/?p=320016"},"modified":"2026-06-10T14:49:26","modified_gmt":"2026-06-10T12:49:26","slug":"stadsbestuurder-matlala-seevier-in-hof-wyl-administrateur-koste-moet-betaal","status":"publish","type":"post","link":"https:\/\/novanews.co.za\/diepapier\/stadsbestuurder-matlala-seevier-in-hof-wyl-administrateur-koste-moet-betaal\/","title":{"rendered":"Stadsbestuurder Thapelo Matlala se\u00ebvier in hof wyl administrateur koste moet betaal"},"content":{"rendered":"\n

In Thapelo Matlala, stadsbestuurder van die Sol Plaatje-munisipaliteit in Kimberley, se suksesvolle aansoek in die hooggeregshof om die dissiplin\u00eare verhoor teen hom ongeldig te laat verklaar, het hy aangevoer slegs die raad kan \u2019n dissiplin\u00eare proses teen hom instel, nie \u2019n administrateur nie.<\/p>\n\n\n\n

Dit volg nadat Bentley Vass, LUR van samewerkende regering, die munisipaliteit onlangs onder omstrede omstandighede onder administrasie geplaas het, \u2019n stap waaroor inwoners en sommige opposisiepartye hul teenkanting uitgespreek het.<\/p>\n\n\n\n

Bewerings word gemaak dat di\u00e9 stap aandui dat die ANC sy hande op die stad se geldkoffers voor die plaaslike verkiesing van 4 November wil l\u00ea.<\/p>\n\n\n\n

LEES | Kimberley se politieke chaos brei uit: Stakings; nog hofsake; vyf uitgeskop<\/a><\/h5>\n\n\n\n

Waarnemende regter Jane Ngubeni het di\u00e9 bevel op 8 Junie in Matlala se guns uitgereik, die einste dag waarop die verhoor oor substantiewe klagtes teen Matlala sou begin.<\/p>\n\n\n\n

Uit hofstukke wat deur\u00a0NoordkaapBulletin<\/em>\u00a0bekom is, blyk dit Matlala het die hof op \u2019n dringende basis genader om sy dissiplin\u00eare verhoor onwettig te laat verklaar en ter syde te stel.<\/p>\n\n\n\n

Geen ondersoek na beweringe<\/h2>\n\n\n\n

Sy vernaamste beto\u00eb was dat die munisipale raad nooit \u2019n geldige besluit geneem het dat die beweringe teen hom ernstig genoeg is om \u2019n ondersoek te regverdig nie, soos vereis deur Regulasie 4 van die Plaaslike Regering: Dissiplin\u00eare Regulasies vir Senior Bestuurders 2010 nie. Dit is uitgevaardig kragtens Artikel 120 van die Wet op Plaaslike Regering: Munisipale Stelsels, 2000.<\/p>\n\n\n\n

Di\u00e9 regulasie vereis die raad moet \u2019n formele besluit neem oor of die bewerings van wangedrag teen \u2019n senior bestuurder van so \u2019n ernstige aard is dat \u2019n ondersoek geregverdig is.<\/p>\n\n\n\n

Matlala het aangevoer dat die raad nooit so \u2019n geldige besluit geneem het nie, wat die res van die dissiplin\u00eare proses onwettig gemaak het.<\/p>\n\n\n\n

LEES | Sol Plaatje-munisipaliteit amptelik onder administrasie; nog \u2019n regstryd wag<\/a><\/h5>\n\n\n\n

Kragtens die regulasie moet die raad, as hulle tevrede is dat daar redelike gronde is om wangedrag te vermoed, binne sewe dae \u2019n onafhanklike ondersoeker aanstel.<\/p>\n\n\n\n

Voorts was die aanstellingsbriewe van die voorsitter (Mabunda Attorneys) en die inisieerders (Kopano Mothibi Attorneys) deur die destydse waarnemende munisipale bestuurder geteken, en nie deur die uitvoerende burgemeester soos die raad se eie besluit vereis het nie.<\/p>\n\n\n\n

Die mag om \u2019n ondersoeker aan te stel berus by die raad alleen en mag nie na \u2019n eksterne instelling (soos die direkteur-generaal van die provinsie) gedelegeer word nie.<\/p>\n\n\n\n

Hy bevraagteken die onpartydigheid van die inisieerders (Kopano Mothibi Attorneys) omdat hulle voorheen vir die munisipaliteit in litigasie teen hom opgetree het.<\/p>\n\n\n\n