Die Karan Beef-groep het onlangs hul uitvoeronderbrekings n\u00e1 meer as \u2019n jaar hok geslaan deur hul vleis na Jordani\u00eb te verskeep.<\/p>\n\n\n\n
In \u2019n verklaring bedank hulle John Steenhuisen, minister van landbou, en sy span vir die implementering en dryf van die nasionale inentings program teen bek-en-klouseersiekte wat die landbou sektor gebuk hou.<\/p>\n\n\n\n
\u201cDie realiteit is eenvoudig: Sonder doeltreffende inenting sal uitvoermarkte nie Suid-Afrikaanse beesvleis aanvaar nie. Inenting is die grondslag van dieregesondheid, marktoegang en die langtermyn volhoubaarheid van ons bedryf,\u201d lui die verklaring.<\/p>\n\n\n\n
Dit is egter nie alles maanskyn en rosegeur nie.<\/p>\n\n\n\n
Landbouleiers is verlig oor die hooggeregshof in Pretoria se onlangse uitspraak dat entstowwe teen BKS privaat verkry en deur boere self toegedien mag word, en dat Steenhuisen nie verder mag inmeng met die wettige private invoer van BKS-entstof nie.<\/p>\n\n\n\n
Sakeliga, SAAI en Vrystaat Landbou het die hof genader om uitsluitsel te kry oor boere se reg om entstof privaat aan te koop en self toe te dien.<\/p>\n\n\n\n
John Steenhuisen, die direkteur-generaal van landbou en die direkteur van dieregesondheid, het die aansoek teengestaan.<\/p>\n\n\n\n
Hulle is deur die hof gekritiseer oor hoe \u201cheftig\u201d hulle die aansoek teengestaan het en oor die \u201cvertragings in die aanhoor en beregting van die saak\u201d wat die staat geskep het.<\/p>\n\n\n\n