{"id":319132,"date":"2026-06-02T13:21:30","date_gmt":"2026-06-02T11:21:30","guid":{"rendered":"https:\/\/novanews.co.za\/diepapier\/?p=319132"},"modified":"2026-06-02T13:21:31","modified_gmt":"2026-06-02T11:21:31","slug":"oud-doelwagter-van-pirates-vaar-uit-teen-safa-oor-visum-debakel","status":"publish","type":"post","link":"https:\/\/novanews.co.za\/diepapier\/oud-doelwagter-van-pirates-vaar-uit-teen-safa-oor-visum-debakel\/","title":{"rendered":"Oud-doelwagter van Pirates vaar uit teen Safa oor visum-debakel"},"content":{"rendered":"\n

Innocent Mayoyo, voormalige doelwagter van Orlando Pirates, is behoorlik warm onder die kraag n\u00e1 die visum-debakel in \u2019n verleentheid vir Suid-Afrika ontaard het.<\/p>\n\n\n\n

Mayoyo is veral ontstel omdat Hugo Broos, afrigter van Bafana Bafana, Maandag sonder sy hulpafrigter Helman Mkhalele na Mexiko moes reis.<\/p>\n\n\n\n

Die Amerikaanse regering het glo sonder enige verduidelik Mkhalale se visumaansoek afgekeur. Die span se hoof van sekuriteit, Mdu Mbatha, moes ook vir dieselfde rede agter bly.<\/p>\n\n\n\n

Die Suid-Afrikanse Sokkervereniging (Safa) is tans hard aan die werk om oplossings te vind.<\/p>\n\n\n\n

\u201cWanneer ons oor patriotisme praat, wat verhoed Helman om \u2019n visum te h\u00ea? \u2019n Sokkerfederasie kan selfs vandag nog vir jou \u2019n paspoort re\u00ebl as hulle wil. Wil jy vir my s\u00ea dat Safa al die tyd nie geweet het Mkhalele gaan deel wees van die groep wat moet reis nie?\u201d het Mayoyo gevra in \u2019n onderhoud met KickOff<\/a>.<\/p>\n\n\n\n

LEES | SAFA says sorry, after Bafana mess<\/a><\/h5>\n\n\n\n
\"Voormalige
Voormalige doelwagter van Orlando Pirates Innocent Mayoyo.<\/figcaption><\/figure>\n\n\n\n

\u201cDit ontstel my, want Mkhalele is \u2019n baie belangrike skakel van Bafana Bafana. Dit alleen s\u00ea vir jou ons is nie 100% gereed vir hierdie W\u00eareldbeker nie. Jy kan nie na \u2019n W\u00eareldbeker gaan met sulke onnodige probleme nie. Ons sou nie nou met die probleme gesit het as ons voorsiening gemaak het hiervoor nie.<\/p>\n\n\n\n

\u201cDit is \u2019n groot terugslag en dit gaan ons verhinder om behoorlik te beplan.<\/p>\n\n\n\n

\u201cOp hierdie laat stadium kan jy nie sommer iemand kry wat Mkhalele as hulpafrigter vir Broos kan vervang nie. Hy was nog altyd die eerste en tweede assistent.<\/p>\n\n\n\n

\u201cNou het dit \u2019n probleem geskep. Dit het is \u2019n hengse verleentheid vir Safa. Watter soort nasionale span gaan na \u2019n W\u00eareldbeker sonder \u2019n hulpafrigter?\u201d<\/p>\n\n\n\n

Die hoop is nou dat alles seepglad sal verloop waar Broos en sy span voorberei vir hulle laaste oefenwedstryd Vrydag teen Jamaika in Pachuca.<\/p>\n\n\n\n

Bafana speel op 11 Junie in die openingswedstryd van vanjaar se Fifa-W\u00eareldbekertoernooi teen die gasheer Mexiko in Mexikostand.<\/p>\n\n\n\n