Die afpersings- en geldwasserysaak teen die Mpumalanga-taxibaas Joe \u201cFerrari\u201d Sibanyoni en sy drie medebeskuldigdes is weer op die hofrol geplaas, en sal na verwagting in die Delmas-landdroshof voortgesit word.<\/p>\n\n\n\n
Nasionale Vervolgingsgesag (NVG) het verlede week dissiplin\u00eare stappe ingestel en \u2019n aanklaer geskors wat skuldig bevind is aan minagting van die hof nadat hy versuim het om vir die borgtogverhoor in \u2019n ho\u00ebprofiel-afpersingsaak op te daag, wat daartoe gelei het dat die saak van die hofrol geskrap is.<\/p>\n\n\n\n
Die NVG het nou \u2019n formele klag by die Landdroste-kommissie teen hooflanddros Tuletu Tonjeni ingedien en voer aan dat sy die reg verkeerd toegepas het in haar hantering van die verrigtinge.<\/p>\n\n\n\n
Di\u00e9 saak, wat groot reeds groot opslae gemaak het, sal nou weer voortgaan n\u00e1 die aanklaer verduidelik het dat hy doodsdreigemente gekry het, het die nasionale direkteur van openbare vervolgings, advokaat Andy Mothibi, verduidelik.<\/p>\n\n\n\n
\u201cDie aanklaer is oukei, ons is besig om die interne proses af te handel wat gaan kyk na wat werklik gebeur het, want die aanvanklike inligting wat ons ontvang het, is dat hy boodskappe gekry het dat hy vermoor gaan word as hy hof toe gaan, aangesien hy op pad daarheen was,\u201d het Mothibi aan die media verduidelik. Di\u00e9 verskoning is ernstig opgeneem, maar nou kan die saak weer voortgaan.<\/p>\n\n\n\n