Die sanger Brendan Peyper word nie meer gesekwestreer nie.<\/p>\n\n\n\n
Peyper se prokureur, Eloise Cilliers, het Maandag aan Die Papier <\/em>bevestig \u201cdie applikant (Eduard Hugo, eienaar van SA Concerts) het slegs ure voor die aanhoor van die sekwestrasie-aansoek, ons genader om \u2019n ooreenkoms te bereik.\u201d<\/p>\n\n\n\n \u201cEk is tevrede dat regverdigheid en waarheid uiteindelik gese\u00ebvier het en dat ek kan aangaan met my lewe sonder dat daar \u2019n swaard konstant oor my nek hang,\u201d het Peyper Maandag aan Die Papier<\/em> ges\u00ea.<\/p>\n\n\n\n \u201cSonder my vertroue in my verlosser, Jesus Christus, en Sy werk in my lewe, dink ek die resultaat mag dalk heelwat anders gelyk het.\u201d<\/p>\n\n\n\n Die hof het Peyper in November verlede jaar onder voorlopige sekwestrasie geplaas.<\/p>\n\n\n\n Die sekwestrasie spruit uit \u2019n geskil tussen Peyper en Hugo oor die Loslit-fees by die Ho\u00ebrskool Monument in Krugersdorp in 2023.<\/p>\n\n\n\n Die fees, waarby Peyper saam met ander Afrikaanse kunstenaars opgetree het, het na bewering verliese van honderdduisende rande gelei, en Hugo wou 50% van die koste van Peyper verhaal omdat hul beweerde vennootskap glo gedeelde regsaanspreeklikheid insluit.<\/p>\n\n\n\n Maar Peyper het deurgaans volgehou hy is nie verantwoordelik vir enige verliese nie. Hy het die aard, afdwingbaarheid en bestaan van die beweerde vennootskap teengestaan.<\/p>\n\n\n\n