Buite die konstitusionele hof het EFF-leier, Julius Malema, aan die media ges\u00ea dat Vrydagoggend se uitspraak teen pres. Cyril Ramaphosa in die Phala Phala-saak \u2019n groot probleem vir die ANC sal wees.<\/p>\n\n\n\n
Dat di\u00e9 uitspraak dinge moeiliker vir Ramaphosa en sy party sou maak, is gewis. Maar moenie van hul kollegas in die Regering van Nasionale Eenheid (RNE) vergeet nie, s\u00ea Malema.<\/p>\n\n\n\n
Dit is ook die DA wat nou met die gebakte pere sit.<\/p>\n\n\n\n
Die DA het egter in \u2019n verklaring dit duidelik gemaak dat hulle die uitspraak verwelkom en die skeiding tussen hulle en die ANC, die twee grootste partye in die RNE, uitgewys.<\/p>\n\n\n\n
\u201cDit is \u2019n ernstige oomblik vir die parlement, vir die presidensie en vir Suid-Afrika se grondwetlike demokrasie. Die DA sal ten volle en konstruktief aan die beskuldigingskomitee deelneem,\u201d lui die verklaring vanuit DA-leier, Geordin Hill-Lewis se pen.<\/p>\n\n\n\n
\u201cHierdie uitspraak trek ook \u2019n duidelike lyn tussen die DA en die ANC. Vir te lank het die ANC \u2019n politieke kultuur gekweek waarin aanspreeklikheid vertraag, afgewater of vermy word wanneer dit ongerieflik raak,\u201d skryf hy.<\/p>\n\n\n\n