Die DA se burgemeersterkandidaat vir Johannesburg, Helen Zille, het \u2019n uitgelekde brief van die minister van finansies, Enoch Godongwana, bekend gemaak waarin gewaarsku word dat die Stad Johannesburg in wese bankrot is en die risiko loop dat meer as R8 miljard aan nasionale befondsing teruggehou kan word tensy ernstige finansi\u00eble oortredings onmiddellik aangespreek word.<\/p>\n\n\n\n
In die brief aan Johannesburgse burgemeester Dada Morero, wat 23 April al gestuur is, het Godongwana onthul dat die stad krediteure R25,2 miljard skuld, terwyl daar slegs R3,9 miljard in kontant en kontantekwivalente beskikbaar is, wat \u2019n tekort van R21,3 miljard laat.<\/p>\n\n\n\n
Die minister se brief verklaar dat die stad wette wat munisipale finansies beheer, oortree het en dat hierdie onwettige optrede die \u201cpotensiaal het om die volhoubaarheid van die Stad Johannesburg buite hierdie ampstermyn te vernietig, sowel as \u2019n negatiewe impak op die nasionale ekonomie in die algemeen te h\u00ea.\u201d<\/p>\n\n\n\n
Godongwana het formeel kennis gegee dat die nasionale tesourie artikel 216(2) van die Grondwet sal toepas en Johannesburg se toekenning ingevolge die wet op die verdeling van inkomste sal terughou indien die stad nie \u201chierdie situasie onmiddellik regstel\u201d nie. Die stap sal veral gesubsidieerde dienslewering aan armes raak.<\/p>\n\n\n\n