In \u2019n uitdagende verklaring het die departement van basiese onderwys vasgeskop oor sy manier van toekenning van skoolhandboeke.<\/p>\n\n\n\n
Dit kan volgens waarnemers die tafel berei vir \u2019n volskaalse twis met Siviwe Gwarube, die verantwoordelike minister en DA-lid, asook vir moontlike nuwe spanning tussen die ANC en DA in regering van nasionale eenheid (RNE).<\/p>\n\n\n\n
Dit volg nadat Gwarube die omstrede toekenning en die produksie van handboeke vir gr. 1 tot 3 na die tesourie vir ondersoek verwys het. Die departement wat lang verduidelikings oor sy prosedures gee, swyg egter in die verklaring oor die toekenning van die meeste werk aan die onbekende Lighthouse Publishers wat uit die bloute midde-in die toekenningsproses gestig is.<\/p>\n\n\n\n
Die departement wys daarop dat hy toestemming van die tesourie het om af te wyk van standaard tenderprosedures en sy handboekkatalogusse saamstel op grond van gehalte van die materiaal en prys in \u2019n katalogus.<\/p>\n\n\n\n
Die departement wys ook daarop om \u2019n gevestigde uitgewer te wees, is geen kriteria om vir die toekenning vir handboeke in aanmerking te kom nie: \u201cDie departement het nooit gekyk na die besonderhede van uitgewers of wanneer hulle gestig is nie, want dit is nie \u2019n kriteria vir die bepaling van gehalte wat ook blind gedoen word sonder dat keurders weet wie dit verskaf het.\u201d<\/p>\n\n\n\n