Adv. Joel Cesar, die staatsaanklaer in Julius Malema se vuurwapensaak, het vanoggend op die eerste dag van vonnisverrigtinge aan die landdroshof in KuGompo-stad (voorheen Oos-Londen) ges\u00ea Malema se optrede was kwaadwillig en dat hy, as \u2019n wetmaker, van beter moes geweet het.<\/p>\n\n\n\n
Cesar het ges\u00ea daar rus \u2019n groter verantwoordelikheid op openbare figure om binne die wet op te tree en daarom eis die staat die maksimum vonnis van tot 15 jaar tronkstraf.<\/p>\n\n\n\n
\u201cSy optrede was kwaadwillig, om die minste te s\u00ea. Hy was \u2019n gevaar vir die meer as 20 000 mense wat by die geleentheid was. Dit was deur die Here se genade dat niemand seergekry het nie.<\/p>\n\n\n\n
\u201cNiemand is bo die gereg verhewe nie. Gegewe die beskuldigde se statuur en die feit dat hy \u2019n leier van \u2019n politieke party is, moet hierdie hof van hom \u2019n voorbeeld maak,\u201d het Cesar ges\u00ea.<\/p>\n\n\n\n
Cesar het verder aangevoer dat die onwettige afvuur van die vuurwapen \u2019n gevaarlike presedent geskep het. Hy het onder meer verwys na \u2019n voorval in Augustus 2024 toe die omstrede pastoor Paseka ‘Mboro’ Motsoeneng glo met \u2019n wapen by \u2019n skool in Katlehong opgedaag en mense gedreig het.<\/p>\n\n\n\n
\u201cMense dink hulle kan ligtelik wegkom met hierdie tipe kriminele oortredings. Hierdie hof moet \u2019n sterk boodskap uitstuur.<\/p>\n\n\n\n
\u201cDie beskuldigde in hierdie saak is \u2019n lid van die parlement. Hy help om hierdie land se wette te bepaal. Nou is hy die een wat daardie einste wette oortree het. As dit enigiemand anders was, sou hy eis dat daardie persoon toegesluit word,\u201d het Cesar aan die hof ges\u00ea.<\/p>\n\n\n\n
Een van Malema se regsverteenwoordigers, adv. Laurence Hodes, het aangevoer dat vuurwapens dikwels vir feestelike doeleindes by begrafnisse, troues en verjaarsdae afgevuur word.<\/p>\n\n\n\n
\u201cDaar was nog nie \u2019n enkele saak waar iemand suksesvol vervolg is vir die afvuur van \u2019n vuurwapen by sulke geleenthede nie. Dit is \u2019n feit wat op sy eie staan.<\/p>\n\n\n\n
\u201cIn hierdie saak is \u2019n wettige vuurwapen gebruik. Dit is selfs aan die wettige eienaar terugbesorg voordat uitspraak deur die hof gelewer is,\u201d het Hodes ges\u00ea.<\/p>\n\n\n\n
Adv. Tembeka Ngcukaitobi, wat ook vir Malema verteenwoordig, hou vol dat die staat se eis vir \u2019n maksimum vonnis \u2019n oordrywing is gegewe die aard van die oortreding.<\/p>\n\n\n\n
\u201cHierdie is \u2019n persoon wat een keer \u2019n wettige vuurwapen afgevuur het. Dit is aan die wettige eienaar terugbesorg.<\/p>\n\n\n\n
\u201cHy besit nie onwettige vuurwapens nie, en daarom is dit verregaande vir die staat om te eis dat hy tussen sewe en 15 jaar gestraf word. Die staat, wat argumenteer dat die skare in gevaar was, kon \u2019n getuie na hierdie hof bring om daardie bewering te staaf. Die staat kon nie \u2019n enkele getuie voor hierdie hof plaas nie,\u201d het Ngcukaitobi ges\u00ea.<\/p>\n\n\n\n