Dit is maklik om die nuus dop te hou en dan paniekbevange te begin tob oor hoe die konflik in die Midde-Ooste ook jou sak gaan raak.<\/p>\n\n\n\n
Hoewel oliepryse regoor die w\u00eareld gaan styg, staar Suid-Afrika geen onmiddellike risiko van brandstoftekorte in die gesig nie. Dit is natuurlik ondanks voortgesette geopolitieke spanning wat die internasionale markte onstabiel hou.<\/p>\n\n\n\n
S\u00f3 s\u00ea die departement van minerale en petroleumhulpbronne in \u2019n persverklaring Dinsdagaand.<\/p>\n\n\n\n
Suid-Afrika het tans twee werkende ruolieraffinaderye, NATREF en Astron Energy, benewens Sasol se Secunda steenkool-tot-vloeistof-aanleg. Di\u00e9 fasiliteite maak staat op ruolie-invoere wat hoofsaaklik uit Wes-Afrika en toenemend ook uit ander lande regoor die Afrika-kontinent verkry word.<\/p>\n\n\n\n
Die konflik in die Midde-Ooste, wat tans op sy 11de dag staan, sal na verwagting vanaf April vanjaar ho\u00ebr brandstofpryse vir motoriste beteken.<\/p>\n\n\n\n\n\n\n\n
Intussen het die burgerregteorganisasie AfriForum \u2019n beroep op die minister van finansies, Enoch Godongwana gedoen om die brandstofheffing in hierdie tyd te verlaag.<\/p>\n\n\n\n
Hul herinner Godongwana dat hy, in samewerking met oorlede Gwede Mantashe, in 2022 \u2019n tydelike verlaging in die algemene brandstofheffing van R1,50 per liter aangekondig het om gebruikers teen die nagevolge van die konflik tussen Rusland en die Oekra\u00efne te help beskerm.<\/p>\n\n\n\n
\u201cAfriforum, saam met baie ekonome, glo dat dit die gepaste benadering is om die impak van hierdie jongste krisis van \u2019n soortgelyke aard te versag,\u201d skryf Ernst van Zyl, Afriforum se hoof van openbare betrekkinge, in die brief aan Godongwana.<\/p>\n\n\n\n
\u201cMense onderskat dikwels die uitwerking van \u2019n stygende brandstofprys op die prys van goedere,\u201d skryf hy.<\/p>\n\n\n\n\n\n\n\n
Die departement het ges\u00ea hy sal die situasie noukeurig bly monitor en verdere inligting verskaf voordat die amptelike brandstofprysaanpassings vir April aangekondig word.<\/p>\n\n\n\n
\u201cDie departement bly optimisties dat die spanning in die nabye toekoms sal afneem, wat sal help om w\u00eareldoliemarkte te stabiliseer en tot verbeterde brandstofprystoetstande by te dra,\u201d lui die verklaring.<\/p>\n","protected":false},"excerpt":{"rendered":"
Dit is maklik om die nuus dop te hou en dan paniekbevange te begin tob oor hoe die konflik in die Midde-Ooste ook jou sak gaan raak. Hoewel oliepryse regoor die w\u00eareld gaan styg, staar Suid-Afrika geen onmiddellike risiko van brandstoftekorte in die gesig nie. Dit is natuurlik ondanks voortgesette geopolitieke spanning wat die internasionale […]<\/p>\n","protected":false},"author":140,"featured_media":311177,"comment_status":"closed","ping_status":"closed","sticky":false,"template":"","format":"standard","meta":{"author_byline":"","footnotes":"","_members_access_role":[],"_members_access_error":""},"categories":[1],"tags":[15594,15765,15603,15761,15577],"class_list":["post-311176","post","type-post","status-publish","format-standard","has-post-thumbnail","hentry","category-nuus","tag-amerika","tag-midde-ooste","tag-nuus","tag-oorlog","tag-top"],"yoast_head":"\n