Suid-Afrika wat hom toenemend weg posisioneer van \u2019n eens stoere bondgenootskap met Iran, die sakeman Patrice Motsepe ontken weer dat hy ANC-leier wil word en die eerste ANC-poltikus wat vir staatskaping tronk toe gestuur is, is van die nuus wat die naweek inlei. \u2019n Lions-rugbyspeler was ook Vrydag in die hof op \u2019n klag van aanranding.<\/p>\n\n\n\n
Ronald Lamola, Suid-Afrika se minister van internasionale betrekkinge, het gewaarsku dat Amerika, Israel en Iran internasionale reg oortree met hul Midde Oosterse konflik. Hy het het gevra dat \u2019n onderhandelde oplossing bereik word. Intussen het een van die lande wat ook onder Iran se teenaanvalle deurgeloop het, Katar, se olieminister Sada bin Sherida Al Kaabi, gewaarsku daar negatiewe gevolge vir die hele w\u00eareld gaan wees indien die golfstate alle olieproduksie opskort. Hy het gewaarsku dit kan binne weke gebeur as die konflik voortduur.<\/p>\n\n\n\n
Pres. Donald Trump het aangedui Amerika stel nie meer in onderhandelinge met Iran belang nie en eis dat die land \u201convoorwaardelik oorgee\u201d. Amerika verklaar hy het reeds meer as 2 000 teikens in Iran getref en Israel maak aanspraak op 5 000. \u2019n Peiling in Brittanje wys dat net \u2019n vyfde van Britte deelname aan die konflik sal ondersteun.<\/p>\n\n\n\n