{"id":310370,"date":"2026-03-03T05:51:12","date_gmt":"2026-03-03T03:51:12","guid":{"rendered":"https:\/\/diepapier.lightspeedwp.dev\/sinkgat-sluk-pad-in-na-groot-pyp-in-brackenfell-bars\/"},"modified":"2026-03-06T09:21:47","modified_gmt":"2026-03-06T07:21:47","slug":"sinkgat-sluk-pad-in-na-groot-pyp-in-brackenfell-bars","status":"publish","type":"post","link":"https:\/\/novanews.co.za\/diepapier\/sinkgat-sluk-pad-in-na-groot-pyp-in-brackenfell-bars\/","title":{"rendered":"Sinkgat sluk pad in n\u00e1 groot pyp in Brackenfell bars"},"content":{"rendered":"\n

Inwoners in Arauna, \u2019n woonbuurt in Brackenfell kon hul o\u00eb nie glo nie toe hulle Donderdagoggend verlede week wakker word, want daar was \u2019n sinkgat in die pad, so groot \u2019n hele motor kon daar inpas.<\/p>\n\n\n\n

Die enorme sinkgat naby die hoek van Rogland- en Goedehoopstraat langs die Ho\u00ebrskool Brackenfell is klaarblyklik veroorsaak deur \u2019n pyp wat die vorige nag gebars het. Die paaie om die sinkgat is al vroegoggend deur verkeersbeamptes afgesper.<\/p>\n\n\n\n

\u201c\u2019n Mens kan duidelik die sand in die pad sien waar water afgeloop het,\u201d s\u00ea die skoolwoordvoerder, Reinhardt Hamman.<\/p>\n\n\n\n

\"Verkeer
Verkeer is vroegoggend afgesper weens \u2019n sinkgat wat in Brackenfell ontstaan het. FOTO: Verskaf.<\/figcaption><\/figure>\n\n\n\n

Die skool se geografie-onderwyser Jorinda Coetzee het leerders en inwoners in \u2019n videoboodskap gemaan om liefs nie naby die sinkgat te kom nie.<\/p>\n\n\n\n

\u201cDie sinkgat het gevorm nadat \u2019n waterpyp laasnag gebars het. Dit kan wees as gevolg van druk op die waterstelsel in \u2019n groeiende gemeenskap,\u201d het sy ges\u00ea. \u201cDie grond om die sinkgat is onstabiel as gevolg van gronderosie en kan baie gewaarlik wees,\u201d het Coetzee gewaarku.<\/p>\n\n\n\n

Hamman s\u00ea daar was drie weke terug \u2019n groot waterbars by \u2019n verkeerslig in Brackenfell Boulevard, wat \u2019n paar blokke van die skool af is. Volgens hom het die pyp die afgelope twee jaar gereeld gebars.<\/p>\n\n\n\n

Twee dae na die sinkat verskyn het, het nog \u2019n groot pyp Vrydag in Sonetsingel net om die draai van Goeiehoopstraat gebars. Water is meters hoog in die lug in gespuit.<\/p>\n\n\n\n

\"Twee
Twee dae later het nog \u2019n pyp in \u2019n nabye straat gebars. FOTO: Verskaf.<\/figcaption><\/figure>\n\n\n\n

Infrastruktuur is oud<\/h2>\n\n\n\n

Volgens Leon Brynard van die Noordelike Distrik Gemeenskapsforum word die gedeelte van Brackenfell gereeld gepla deur waterpype wat bars. \u201cDaar is \u2019n toename in waterpype wat bars, nie net in Arauna nie, maar ook in omringende woonbuurte,\u201d s\u00ea hy.<\/p>\n\n\n\n

\u201cOok in Vredekloof sien ons meer pype bars, veral nadat waterdruktoetse gedoen is. Die infrastruktuur is maar oud en dalk is dit nou tyd vir opknapping,\u201d s\u00ea hy. Hy voeg by dit is kommerwekkend dat soveel water verlore gaan elke keer as \u2019n pyp bars. \u201cDis hartseer, veral as jy daaraan dink dat die infrastruktuur al lankal opgeknap moes word.<\/p>\n\n\n\n

Dit is hartseer dat daar soveel liters water verlore gaan as \u2019n pyp bars, en die infrastruktuur moes lankal gediens gewees het, juis in \u2019n tyd dat ons nou baie spaarsamig met water moet wees.<\/p>\n\n\n\n

Zahid Badroodien, burgemeesterskomiteelid vir water en sanitasie, het aan TygerBurger<\/a> ges\u00ea \u2019n kontrakteur is aangestel om die pyp te vervang en die sinkgat so gou moontlik te herstel.<\/p>\n\n\n\n

Volgens Badroodien is nuwe pype in 2025 in Brackenfell ge\u00efnstalleer.<\/p>\n\n\n\n

\u201cSedert die begin van die 2025-\u201926-boekjaar is 1 753 meter pype in die gebied vervang. Toekomstige projekte word beplan vir Maart wanneer 1 800 meter pype vervang sal word,\u201d s\u00ea hy.<\/p>\n\n\n\n