Die Suid-Vrystaatse o.25-span het ’n silwermedalje verower in die nasionale junior rolbaltoernooi wat van 22 tot 25 Maart in Bloemfontein beslis is.
Die span het in die eindstryd met ’n telling van 13 – 9 teen Boland vasgeval en moes met silwer tevrede wees, terwyl Boland die toernooi gewen het.
Marius Jansen van Rensburg, afrigter van die Suid-Vrystaat-spanne, sê die vier plaaslike spelers Werner Stander, Liebe Boje, Mardian Bezuidenhout en Trevor Geel het hulle goed van hul taak in die toernooi gekwyt.
Die Suid-Vrystaat het ook nog twee o.15-spanne en twee o.18-spanne vir die toernooi ingeskryf.
Altesaam het 14 o.15-spanne, 21 o.18-spanne en 21 o.25-spanne aan die toernooi deelgeneem.
Die span van WP A het in die o.15-afdeling goud gewen, terwyl Sedibeng A die een onder die o.18-spanne was om met goud weg te stap.
In die o.15-, asook die o.18-afdeling, was Gauteng-Noord se A-spanne die naaswenners.
