{"id":51184,"date":"2022-06-02T07:50:35","date_gmt":"2022-06-02T05:50:35","guid":{"rendered":"https:\/\/novanews.co.za\/bloemnuus\/vrou-speel-klaar-met-droom-20220601-2\/"},"modified":"2025-03-20T01:16:03","modified_gmt":"2025-03-19T23:16:03","slug":"vrou-speel-klaar-met-droom-20220601-2","status":"publish","type":"post","link":"https:\/\/novanews.co.za\/bloemnewsexpress\/vrou-speel-klaar-met-droom-20220601-2\/","title":{"rendered":"Bybelspeletjie lekker uitdaging"},"content":{"rendered":"\n

Met die bordspeletjie Radaph het Bloemfonteiner Trix Roux twee van haar passies gekombineer in iets wat familie en vriende bymekaarbring.<\/p>\n\n\n\n

Trix s\u00ea sy het haar lewe lank nog \u2019n passie gehad vir bordspeletjies en die Bybel.<\/p>\n\n\n\n

Sy het 25 jaar gelede al begin om vrae en antwoorde uit die Bybel saam te stel. Di\u00e9 tydverdryf het haar van haar laerskooldae tot op universiteit besig gehou en mettertyd het sy dit in \u2019n hele speletjie ontwikkel, maar sy het dit jare lank in die kas vergeet.<\/p>\n\n\n\n

\u201cIn 2016 het \u2019n vriendin eendag ges\u00ea hulle wil my speletjie speel. Die klomp mense was mal daaroor. Hulle het ook aanbeveel dat ek my speletjie in Engels vertaal.\u201d<\/p>\n\n\n\n

Weens werkverpligtinge het sy min tyd gekry om aandag aan die bordspeletjie te gee, tot die erge inperking in Maart 2020 haar by die huis vasgekeer het.<\/p>\n\n\n\n

\u201cSkielik was ek saans en naweke tuis met niks om te doen nie. Ek het al die vrae in Engels vertaal en die Afrikaanse vrae hersien. Ek het ook begin navrae doen waar ek so \u2019n bordspeletjie professioneel gemaak kan kry.\u201d<\/p>\n\n\n\n

Trix s\u00ea dit was nie so maklik nie \u2013 sy moes verskillende elemente van die speletjie soos die bord, boks en stukkies waarmee gespeel word op verskillende plekke laat maak.<\/p>\n\n\n\n

Dit sluit skapies in wat die verskillende spelers verteenwoordig, boeke en munte waarmee eiendom gekoop kan word, die kaartjies waarop die vrae en antwoorde is en nog kaartjies met instruksies en uitdagings op.<\/p>\n\n\n\n

Sy moes ook toestemming by die Bybelgenootskap kry om die teks uit die Bybel te gebruik.<\/p>\n\n\n\n

Radaph is \u2019n Joodse woord wat beteken \u201com iets na te jaag.\u201d <\/p>\n\n\n\n

Trix s\u00ea die doel van die speletjie is om die kaartjies vir geloof, hoop en liefde wat onder plekke op die bord versteek is, te vind.<\/p>\n\n\n\n

Sy s\u00ea die terugvoer wat sy van mense oor die speletjie gekry het, was positief en selfs kinders geniet dit sommer baie.<\/p>\n\n\n\n