{"id":308834,"date":"2026-05-30T12:00:00","date_gmt":"2026-05-30T10:00:00","guid":{"rendered":"https:\/\/novanews.co.za\/bloemnewsexpress\/bek-en-klouseer-inenting-van-beeste-nou-die-belangrikste\/"},"modified":"2026-05-30T12:21:43","modified_gmt":"2026-05-30T10:21:43","slug":"bek-en-klouseer-inenting-van-beeste-nou-die-belangrikste","status":"publish","type":"post","link":"https:\/\/novanews.co.za\/bloemnewsexpress\/bek-en-klouseer-inenting-van-beeste-nou-die-belangrikste\/","title":{"rendered":"Bek-en-klouseer: Inenting van beeste nou die belangrikste"},"content":{"rendered":"\n

Hoewel die landbousektor drie belangrike veldslae gewen het in die stryd teen bek-en-klouseer (BKS), is die oorlog nog lank nie verby nie.<\/p>\n\n\n\n

Dis die mening van Francois Rossouw, uitvoerende hoof van die landbou-organisasie SAAI.<\/p>\n\n\n\n

\u201cOns sal omtrent 99 000 beeste per dag moet inent om vanjaar nog die geskatte totale beeskudde teen BKS in te ent.\u201d<\/p>\n\n\n\n

Volgens Rossouw dui \u2019n konserwatiewe skatting daarop dat Suid-Afrika 12,9 miljoen beeste het.<\/p>\n\n\n\n

\u201cAnder bronne skat dis 14 miljoen, en nog ander meen dis nader aan 18 miljoen,\u201d s\u00ea hy.<\/p>\n\n\n\n

LEES OOK:<\/strong> Hof-uitspraak oor staatshantering van bek-en-klouseer bied uiteindelik hoop<\/a><\/p>\n\n\n\n

\"Minister
Minister van landbou, John Steenhuisen, tydens \u2019n inentingsveldtog teen bek-en-klouseersiekte. Foto: Facebook<\/figcaption><\/figure>\n\n\n\n

Leiers verlig<\/h3>\n\n\n\n

Dr. Danie Odendaal, \u2019n vete\u00adraan-veearts en BKS-kenner, bevestig dat daar geen amptelike syfers bestaan nie, omdat die staat die afgelope jare nie syfers bygewerk het nie.<\/p>\n\n\n\n

Odendaal is vroe\u00ebr vanjaar deur John Steenhuisen, minister van landbou, uit die ministeri\u00eble BKS-taakspan verwyder.<\/p>\n\n\n\n

Hy s\u00ea onomwonde die krisis is ver van verby.<\/p>\n\n\n\n

Landbouleiers is verlig oor die hooggeregshof in Pretoria se uitspraak vandeesweek dat entstowwe teen BKS privaat verkry en deur boere self toegedien mag word, en dat Steenhuisen nie verder mag inmeng met die wettige private invoer van BKS-entstof nie.<\/p>\n\n\n\n

Sakeliga, SAAI en Vrystaat Landbou het die hof genader om uitsluitsel te kry oor boere se reg om entstof privaat aan te koop en self toe te dien.<\/p>\n\n\n\n

Mag appelleer<\/h3>\n\n\n\n

Steenhuisen, die direkteur-\u00adgeneraal van landbou en die direkteur van dieregesondheid het die aansoek teengestaan.<\/p>\n\n\n\n

Hulle is deur die hof gekritiseer oor hoe \u201cheftig\u201d hulle die aansoek teengestaan en die \u201cvertragings in die aanhoor en beregting van die saak\u201d wat die staat geskep het.<\/p>\n\n\n\n

Hoewel die uitspraak verwelkom word, heers daar kommer in landboukringe dat die staat nie deur die hofbevel verplig word om die entstof wat reeds in sy besit is, aan boere beskikbaar te stel nie.<\/p>\n\n\n\n

Steenhuisen kan moontlik ook nog teen die uitspraak appelleer. <\/p>\n\n\n\n

Bennie van Zyl, hoofbestuur\u00adder van TLU Suid-Afrika, s\u00ea hy hoop dat die minister en die departement sal kies om die landbousektor te ondersteun en toe te laat om hul diere in te ent. \u201cWat ons nou nodig het, is entstof in beeste.\u201d<\/p>\n\n\n\n