{"id":265507,"date":"2025-07-06T19:51:25","date_gmt":"2025-07-06T17:51:25","guid":{"rendered":"https:\/\/novanews.co.za\/bloemnuus\/egpaar-pak-saam-50ste-fauresmith-uithourit-oor-uitdagende-terrein-aan\/"},"modified":"2025-07-06T19:57:12","modified_gmt":"2025-07-06T17:57:12","slug":"egpaar-pak-saam-50ste-fauresmith-uithourit-oor-uitdagende-terrein-aan","status":"publish","type":"post","link":"https:\/\/novanews.co.za\/bloemnewsexpress\/egpaar-pak-saam-50ste-fauresmith-uithourit-oor-uitdagende-terrein-aan\/","title":{"rendered":"Egpaar pak saam 50ste Fauresmith-uithourit oor uitdagende terrein aan"},"content":{"rendered":"\n

\u2018n Egpaar van Kimberley, wie gesamentlik meer as 8 000km se uithouritte voltooi het, neem di\u00e9 week saam aan die 50ste Fauresmith-uithourit in die Vrystaat deel. In hierdie uitdagende uithourit oor drie dae word perd en ruiter oor meer as 200km aan berg- en rotsagtige terrein blootgestel.<\/p>\n\n\n\n

Carli Janse van Rensburg s\u00ea sy en haar man, CJ, sien geweldig na di\u00e9 uithourit van Dinsdag 8 Julie tot Donderdag 10 Julie uit. Dit ongeag die voorspelling dat die koue front wat tans heers, nog glad nie verby gaan wees nie. Di\u00e9 egpaar sal deel van 280 ruiters en perde wees wat vanjaar deelneem.<\/p>\n\n\n\n

Sy is op die kortlys vir die gesogte Uithouritvereniging van Suid-Afrika (Erasa) se nasionale span, en CJ neem vir die provinsiale span deel.<\/p>\n\n\n\n

\"Carli
Carli Janse van Rensburg. FOTO: Verskaf<\/figcaption><\/figure>\n\n\n\n

Carli het as 13-jarige haar eerste 40km-uithourit by Boshof in die Vrystaat voltooi nadat sy op negejarige ouderdom met dressuur begin het. D\u00edt nadat sy \u2018n niggie se deelname aan \u2018n uithourit by Koffiefontein gadegeslaan het, en besluit het om dit ook te probeer.<\/p>\n\n\n\n

Vanjaar neem sy vir die vierde keer aan die Fauresmith-uithourit deel, op Karalana Mysty, ‘n perd wat sy as ” ‘n pragtige merrie, met ‘n innerlike vuur om te ry en ‘n sagte siel” beskryf. Carli het in totaal reeds meer as 4 000km se uithouritte voltooi. <\/p>\n\n\n\n

Ongeag daarvan dat sy en Mysty nog slegs ses maande saam ry, glo sy hul band is sterk, gesmee deur gereelde weeklikse ritte van 60 tot 70 km, asook ‘n onlangse 80 km-wedren.<\/p>\n\n\n\n

Tydens \u2018n deelname, soos met die Fauresmith-uithourit, maak Carli seker dat Mysty die regte voeding kry, met genoeg energie en prote\u00efen. Hul voorbereidings word ondersteun en aansienlik versterk deur Jetour Kimberley se borgskap, wat Carli van toerusting en ondersteuning voorsien.<\/p>\n\n\n\n

Carli s\u00ea sy \u00e9n Mysty is “baie opgewonde om hierdie w\u00eareldklas-handelsmerk te verteenwoordig terwyl hulle dit doen waarvoor hulle lief is.”<\/p>\n\n\n\n

Sy mik na ‘n mededingende deelname, met Mysty steeds in topgesondheid n\u00e1 die afhandeling van die uithourit. Benewens die uithourit self, koester Carli di\u00e9 byeenkoms se unieke kultuur: die kampvuurkuiers, hereniging met ou vriende, die deel van stories en ervaring, en die smee van nuwe bande. <\/p>\n\n\n\n

Perde se welstand kry voorkeur<\/h4>\n\n\n\n

CJ het op tienjarige ouderdom begin deelneem. Hy het 18 jaar se perdry-ervaring, en ongeveer 4 000km se uithouritte voltooi.<\/p>\n\n\n\n

Hy en sy perd, Koringkloof Enog, sal die Noord-Kaapse span in die standaardgewigkategorie verteenwoordig. Di\u00e9 twee is vir die afgelope ses maande ‘n gedugte span. CJ word ook deur Jetour Kimberley ondersteun, en beoog om met ‘n volledige A-veeartslys af te sluit.<\/p>\n\n\n\n

\"CJ
CJ Janse van Rensburg. FOTO: Verskaf<\/figcaption><\/figure>\n\n\n\n

Organiseerder en deelnemers aan die Fauresmith-uithourit gee voorkeur aan die welstand van die perde, met streng toesig wat voor, tydens en n\u00e1 die rit deur veeartse gehandhaaf word. Met veearts-ondersoeke tydens die rit mag slegs di\u00e9 perde wat die ondersoek slaag, met die uithourit voortgaan. <\/p>\n\n\n\n